Strandrydding – sosialt friluftsliv

“Friluftsliv og strandrydding som sosial arena” er eit prosjekt der Fjordane Friluftsråd kombinerar to av sine hovudarbeidsområder; friluftsliv og strandrydding. Det tverrfaglege prosjektet går ut på å invitere til strandrydding i kombinasjon med anna aktivitet og friluftsliv. Ved å opent invitere alle, i tillegg til å målretta invitere med personar som treng eit meir tilrettelagt tilbod. Med dette håpar vi å skape ein inkluderande møteplass, og samtidig bidra til ein reinare natur. Arrangementa vil foregå på våren og hausten. På våren vil vi gjennomføre ryddinga når snøen har smelta og før hekketida og ferdselsforbudet trer i kraft 15. april. Aktivitetane vil skje i kommunane Askvoll, Bremanger, Kinn, Solund, Stad og Stryn.